Poslovne vijesti - Makedonija

Стапката на невработеност се спушти на 28,8 отсто

Стапката на невработеност во Република Македонија продолжува да се намалува под 30 отсто, достигнувајќи на крајот на вториот квартал на 28,8 отсто, соопшти во вторникот Државниот завод за статистика.

Вкупниот број на невработени во Македонија заклучно со јуни изнесувал 273 860 лица, што е за 17.360 помалку во однос на истиот период лани, кога стапката на невработеност изнесувала 31,2 отсто.

Истовремено, бројот на вработените во Македонија зголемен е за 30.267, со што вкупниот број на вработени во државата на крајот на јуни достигнал 678 467.

Со ова стапката на вработеност надминала 40 отсто и достигнала 40,7 отсто, наспроти 38,8 отсто колку што изнесувала во вториот квартал до 2012 година.

Во второто тримесечје од 2013 година активното население во Република Македонија брои 952 327 лица, а стапката на активност изнесува 57,1 отсто

Од вкупниот број на вработени во Македонија 59,6 отсто се мажи, а 40,4 отсто се жени. Слична е состојбата и кај невработените, 61,5 отсто се мажи, а 38,5 отсто жени, додека неактивното население го составуваат 63 отсто жени и 37 отсто мажи.